คาถาผูกแขน
ฝ้ายอันนี่แม่นฝ้านพระพรหม พระบรมมหาราช เครือเขาขาดป่อนลงมา
มีคาถาพระอุปคุตอยู่นำ มีคาถายอดพระธรรมครบถ้วน พระอินทร์ล้วนส่งด่วนลงมา
ส่งลงมาให้ลูก ว่าให้ผูกเอาขวัญ ว่าสมควรผูกไว้ให้เป็นใหญ่ในโลกา
ขวัญเข้ามาผูกแขนข้อ ผูกเอาหน่อคูณเฮือน ให้เจ้าใสปานเดือนอย่ามีเมฆ
ให้เป็นเอกในเมืองคน อย่ายากจนอึดอยาก ยามเจ้าปากมีคนถาม
ผิวพรรณงามผุดผ่อง สีใสส่องดั่งทองทา ยามไปมาอย่าอืดอาด
ยุราตรดั่งพญาคชสาร กับทั้งบริวารพอหมื่น ให้ล้นลื่นคนทั้งหลาย
มีหญิงชายเป็นข้อยข้า มีช้างม้าโตงาม มีคนหามแหนแห่
ให้เจ้าดีกว่าพ่อกว่าแม่ทั้งหลาย มีของขายอยู่เต็มบ้าน มีอยู่ร้านเนืองนอง
มีนาหนองและนาห้วย มีคนช่วยการงาน
อายุนานปานพระอุมา และนางวิสาขาสุขเลิศ แสนประเสริฐดังนางผุสดี
มีขันติดั่งพระเตมีย์ใบ้ ให้เจ้าใหญ่ดั่งพระอิศวร อยู่เขาไกรลาศ
งามองอาจดั่งพระนารายณ์ บ่มีไผท่อ คือน้อยหน่อสีดา
มีปัญญาดั่งศรีปราชญ์ ให้ฉลาดดั่งศรีธนญชัย
คิดอันใด๋ให้เจ้าได้ดั่งคำมากล้ำปรารถนา
มะ อะ อุ อุ อะ มะ นะ ชา ลิ ติ สาธุฯ
Bookmarks