หน้าที่ 1 จากทั้งหมด 6 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 55

หัวข้อ: สามัคคีกันเด้อพี่น้องบ้านมหา

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    สามัคคีกันเด้อพี่น้องบ้านมหา

    @ บัดนี้ ศรีขอยอบทต้านผญาสารเป็นกลอนกล่าว
    ฝากหมู่ชาวพี่น้องเฮือนห้องแห่งมหา
    ศรีวันทาคันผิดเพี้ยงบ่อขอเถียงคันผิดพลาด
    บ่อประมาทหลื่นล้นดันหม่นให้ท่านซัง
    นับอดีตแต่ครั้งนานก่อนเฮายังดี
    เถิงสิมีหยังผิดคิดการยามพาลเว้า
    บ่อได้เก็บเอามาเศร่าเหงาใจเป็นใยผูก
    ความผิดถูกยามกล่าวเว้าหากหันเข้าปากจา
    แต่เดียวนี้นั้นน้ามันคือเปลี่ยนเวียนกลับ
    อยากให้เอามานับทบทวนกระบวนบ้าง
    คำที่เคยจาอ้างสามัคคีหมั่นแก่น
    ฝากแฟนๆจำจื่อไว้อย่าไลม้างห่างหนี
    บ่อแม่นตั้งแต่กี้ได้เห็นบ่อนตอนสนุก
    ยามเมื่อเห็นความทุกข์ผั่นปล่อยป๋าลาม้าง
    คึดเบิ่งเด้อ เฮาเคยพากันสร้างเฮือนซานจนกว้างใหญ่
    มาสิลืมละไว้สายใยฝั่นให้สั่นคลอน
    บ้านมหาเคยฮับต้อนเป็นบ่อนสะออนสุข
    ยามมาเซาได้หายทุกข์ส่วงใจหทัยเอ้า
    ขอจงมาโฮมเข้าอดสาเอาอย่าแตกเบี่ยง
    สิ่งเล็กน้อยผิดเถียงกรุณาเถาะพี่น้องอย่าผิดข้องคั่งคา นั้นแหลว ฯฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #2
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,097
    มาม่วนแท้น้ออ้ายเอ้ย.....
    .....โลกหมุนไป ใจอยู่กับเสียงเพลง ชีวิตฉันคืออิสระ I am what I am.....

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    @ สามัคคีเด้อพี่น้องเฮือนมหาหม่องพาม่วน
    ขอเชิญชวนพวกหมู่เจ้ามาเข้าฮ่วมโฮม
    ศรีขอจากล่าวโน้มน้อมเหนี่ยวเกลียวกระหวัด
    จาตามภาษาสัตย์ซื่อตรงบ่อหลงเลี้ยว
    บ่อได้เทียวมาเว้าจาเอาผู้เดียวชอบ
    แต่ประกอบเหตุบ้านการหยุ่งบ่อฮู่งใส
    เป็นจั่งได๋เฮากะลงเฮือแล้วลำเดียวอย่าแตกแบ่ง
    ไปให้สมที่แม้งสะพังม้มฮอดแผ่นดิน
    อย่าฟ้าวสีนเสียซ้ำตัดจำจนเหมิดฮาก
    อย่าฟ้าวถากเปลือกถิ่มถอนทื้นจนเปล่าแปน
    อันสิบแสนไหมเกี้ยวบ่อคือเกลียวน้องพี่
    สายใยสามัคคีมันหากเหนียวหนึ่งแหน่น เสมอแม้นต่างไหม แท้แหลว ฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    นับตั้งเเต่มื้อนั้นเลยผ่านมาสองปี
    น้องนั่นมีความจา บ้านมหา เพิ่นพาซึ้ง
    ยังนึกถึงทุกครั้ง ที่เคยพากันจาม่วน
    นั่งทบทวนเเล้วกะยิ้มคือคนบ้า ป่วงละเมอ...
    นางละเบิดเท่อเล่อ บ่ฮู้ว่าเป็นเเนวได่
    คือบ่ไขวาจากล่าวมาให้นางฮู้
    เคยเอ็นดู ผูกมั่น สังสรร กันพอม่วน
    ควรบ่ควร หม่องได่อ้าย บอกนางหล่า เเน่เป็นหยัง อ้ายเอ้ย.....
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    เป็นอันได๋น้ออ้ายมาจ่ายจาผญาเศร่า
    บ้านมหาของเฮายังคือเก่าแต่ก่อนหลัง
    ฮักกันมาส่อยกันจาขอให้ว่าคือก่อนเก่า
    มาฮ่วมแฮงพี่น้องเฮาบ่เพื่อเขาหรือเพื่อไผ๋
    อันเวบแห่งนี้ไซร้คุณนั้นดั๋ยเหลืออนันต์
    คนทั่วโลกฮ่วมฮู้กันว่าสร้างสรรค์จรรโลงแต้ม
    ขอพี่น้องครองฮักแพงส่อยส่งแฮงเเป็นแรงใจ
    ทุกข์ยากถากเถียงอันได๋ขออย่าได่เปิดหน่าย
    แม่นเพราะว่าสุดท้าย เฮาคือน้องอ้ายกัน ฮักฮ่วมสัมพันธ์คือกันแต่เก่าก่อน ..เด้อพี่น้อง..เด้อ..
    มองต่าง..อย่างปลง

  6. #6
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    "เสือพีเพราะป่าปก ป่ารกเพราะเสือยัง ดินดีเพราะหญ้าบัง หญ้าจะยังเพราะดินดี..."
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  7. #7
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,603
    อย่าได้มีความฮ้ายเอาความดีมาอ้างเอ้ย
    เผยวาจาว่าฮักมั่นสัมพันธ์ร่วมบ่หน่ายแหนง
    ฝนสิตกฟ้าสิแล้งใจยังอยู่บ่หนีใกล
    รวมหัวใจสายสายใยฮักฮ่วมกันแต่คือเค้า พี่น้องเอ้ย


    ไปใสมาใสกะบ่ลืมพี่น้องบ้านเฮาดอก คะรับ
    จงเอาชนะในความยาก มิฉะนั้นความยากจะชนะท่าน

  8. #8
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,781
    โอ่น้อพี่ซายเอ๋ย...แม่นให้สามัคคีแข่น..ให้มันแก่นคือไม้หมากขาม..ให้มันงามปานแต่ง
    น้องนี่คือสิเฮ็ดแป่งแซ่ง...ย้อนคำแพงบ่ฮู้ ดอกต้นปลายสายเหตุ..เด้อ้ายเอ้ย...
    จักสิหว่าจั่งได๋ ย้อนความในบ่ได้บอก...ควมนอกบ่ได้ถามซั่นแหลว..มัวแต่แซวสาวซำน้อย...ข่อยเลยบ่หัวซาแมนผุได๋...คันหว่าอ้ายอยากให้ฮู้...ลองกล่าวเบิ่งดู้เป็นจั่งด๋ายยย...อ้ายเอ้ยย..อิอิ
    ..
    ไม่เข้าถ้ำมอง เหตุไฉนจะได้มอง...http://img198.google.co.th/img198/6016/iinjiisjiisj.gif

  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    เพิ่นว่าฮักกันไว้ไคกว่าซังกัน
    อย่าได้หันหลังจาจอบความจาพื้น
    มีจุดยืนยืนหมั่นสัมพันธ์น้องพี่
    ศรียอบอกกล่าวต้านวานไหว้ว่าขอ
    มื้อหน้ายังสิพ้อพานพบประสบเจอ
    บ่อว่าฉันหรือเธอหากสิเจอสักวันมื้อ
    อย่าสิถือทิฏฐิตั้งโมหังมาบังเบียด
    อย่าได้เคียดแตกม้างวางถิ่มปล่อยกัน
    สมานฉันท์เด้อเติมตั้งระวังตนเป็นประกอบ
    ผิดและชอบให้ค่อยเว้าหันเข้าปากจา
    โทษหนักหนาให้เบาบ้างทำให้จางวางปล่อย
    ผิดอิหยังเล็กน้อยให้ออยอ้างต่างอภัย
    มันจั่งเกิดก่อได้เฮือนใหญ่สามัคคี
    ยกเอาเด้อคุณความดีฝ่ายเขามาตั้ง
    อย่าได้ซังขังข้อสมพอปลงให้ลงแหล่ง
    ให้มันสมมาตรแม้งมะโนน้อมหนึ่งเดียว ท่านเอ้ย
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  10. #10
    ลองเบิ่งนำหมู่เกิ่น แต่งบ่เป็นแต่กะอยากมีส่วนร่วม อิอิ

    พี่น้องเอ้ย...คั่นว่านางได้ฮักแล้วยากอยู่เด้อสิลืมหมู่เจ้าได้ง่ายๆ
    บ่เคยคึดหน่ายป๋ากันถิ่มแนวนั่นแม่นบ่เอา
    อันว่าคำคนเว้า ได้ยินมานางบ่เคยเอามาฮกในหัวใจ
    ฟังมาแล้วกะเมี้ยนไว้ เพื่อเตือนใจไว้สอนสั่ง
    เป็นแนวทางที่ดีพ้อม พอให้น้องได้เทียวหย่าง
    นางบ่เคยคึดสร้าง ปัญหานี่ให้อ้ายป่วน
    มีแต่ความจริง จากใจล้วนๆมอบให้เจ้าบ่หน่ายแหนง
    มีแต่ฮัก มีแต่แพงกันไปหน้า สามัคคีกันให้มั่นแก่น
    ขอเป็นหนึ่งโตแทนมาซ่อยสร้าง ผลงานเจ้าให้ดังไกล....ซั่นแหล่วอ้ายเอ้ย
    คนที่กล้าจะพ่ายแพ้เท่านั้น...ที่จะประสบความสำเร็จอย่างยิ่งใหญ่

หน้าที่ 1 จากทั้งหมด 6 หน้า 123 ... หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •