เก็บเอาถ่อน ความฮู้ในผญา
มันสิพาเฮาลุ ดังใจหวังไว้
คนขี้ค้าน มาอ่านขยันสา
คนที่เคยมุสา กะอย่าทำมันฮ้าย
คนที่เคยด่าป้อย ผีห่าลงพุง
ป้าและลุงบ่มีเกรง ให้เลิกลาบ่ดีนั้น
คนบ่มีศีลสร้าง ขอให้มีเพิ่มจักหน่อย
ปากให้จั่งน้ำอ้อย คอยให้แบ่งเป็น หั่นเด้อ
ไผเคยโมโหฮ่าย ให้ทิ่มลายไปสาก่อน
ยักษ์มารซ่อนอยู่ฮั่น ให้ไลทิ่มห่างไกลสาเด้อ
ผัวเมียนั่น ให้สัมพันธ์ฮักหอม
อย่าไปลอบเล่นชู้ ผีฮ่ายบ่ดี ดอกนา
ในผญาข่อยนี้ มีสอนทุกอย่าง
ขอให้อ่านให้แจ้ง นำไปใช้สิชุ่มเย็น สู่คนเด้อ