โอ้ย...ฟ้าเอ้ยฟ้าฮ้องห่าว...เสียงยาว ๆ ฟ้าฮ้องส่ง...เด้หละนาง...
เด้หละแฟน....เด้หละเมีย..............................................
อ้ายโป้ยก่ายลงไปท่ง...ได้ยินกบเขียดฮ้อง...คือเสียงน้อง........
แม่นฮ่ำฮอน....แม่นฮ่ำฮอน............................................
.......แล้วบัดนี้...ฟังเด้อญาติพี่น้องท้องถิ่นไทอี่สาน...ผู่ที่มาในงาน
ฮ่วมบุญในวันนี้...มีแต่คนสวยโก้งามตาสวยสง่า...บ่าวสาวบ้านมหา
หลายคนมามื้อนี้หัวใจห้าวดอกชื่นบาน...ผมโป้ยก่ายออกจากบ้าน
มาพ้อหมู่ไทเดียว...มากลมเกลียวสายสัมพันธ์ฮักหอมถนอมไว้....
เอาเสียงลำมาให้เอาหัวใจมาเปิดป่อง...ขอเป็นพี่และน้องพอให้ได้
เทียวหยาม...เเวะไปกินข้าวาน้ำยามมาผ่านอย่าเลยกาย...อย่าได้คลาย
ความฮักให้ยึดฝังน้อใจไว้...อย่าได้ไลลาร้างยามไกลกันคนละบ่อน
อย่าได้ถอนละเว้นยามเห็นหน้าเอิ้นไสกัน...บ้านมหาบ่อกีดกั่นก้องสนั่น
เสียงพิณแคน...สุดสะแนนเสียงลำม่วนหูชุแลงเช้า...ไทยอีสานบ่มีเศร้า
ย้อนไทยเฮาเว้ากันม่วน...มีแต่สุขล้วนๆ บ่มีเศร้าละเก่าหมอง...มีแต่พี่และน้อง
เว้ากันม่วนนวลหู...กับเทิ่งอาวอาหนุ่มคะนองสาวน้อย...เอาผญามาต้อย
แจมกันขันแข่ง...แปลงคำหวานวาดเกี้ยวกันเล่นให้ม่วนใจ...บทกวีกะพอได้
ถอดหัวใจไว้เสริมส่ง...จุดประสงค์แต่งแต้มแถลงข้อดอกต่อเติม...ขอขอบคุณ
ผู่เพิ่นเริ่มเปิดเวปใหญ่ไทยอีสาน...โชว์ผลงานทีเด็ดจังคอยมีวันนี้...บ่าวคนเดิม
เพิ่นไขชี้มีแนวได๋ให้ติดต่อ...มีแต่ให้บ่อมีขอย้อนว่าใจเพิ่นนั้นเหลือล้นลืนประมาณ
บ่าวเชียงน้อยกะบ่อคล้าน...ขานรับนโยบายบ่อได้คลายความเพียร...เพิ่นเเวะเวียน
เทียวหยามเยี่ยม...คอยตะเตรียมหาทางแก้...มีปัญหาบ่เคยหวั่น...ขอแต่เฮาสร้างสัมพันธ์
มาโฮมกันบ่อปล่อยม้าง...มาโฮมท่อนอย่าหน่ายแหนง...เด้..หละแฟน..หล่ะ..หน่า..
Bookmarks