หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: ๏ ไผเดน้อ...สิมาฮื้อ...อีสานเฮา...ให้เฮืองหุ่ง

  1. #1
    นักการภารโรง สัญลักษณ์ของ บ่าวคนเดิม
    วันที่สมัคร
    Jan 2006
    ที่อยู่
    Amphoe Det Udom
    กระทู้
    3,760

    ๏ ไผเดน้อ...สิมาฮื้อ...อีสานเฮา...ให้เฮืองหุ่ง

    ๏ เดียวนี้......หนุ่มสาวเฮาหลุ่มน้ำ หนีไปไส....เด้อุ่น
    ถิ่มเฮือนไว้จนฮก...ถิ่มครก...ลืมถิ่นกว้าง...อีสานฮ่าง ไห่ห่ำหา....ละเด

    ๏ ไผเดน้อ...สิมาฮื้อ...อีสานเฮา...ให้เฮืองหุ่ง
    หนีไปกรุง....บ่อยากกลับต่าวบ้าน....ไปนอนเฝ้าบ้านอื่นเขา...บ่น้อ

    ๏ ยามแคนดัง....บ่มีคนมาฟัง แคนสิฮ้องห่ำไห่...ไผเดสิเว้าอ่อย
    เสียงผญาจ้อยจิจ้อย หูน้อยเจ้าเหงี่ยงฟัง......บ่เด

    ๏ เขียดโม่ฮ้อง นกเค้าห่ำ....ยามแลง
    แสงตาเว็นรอนรอน เฝ้าหล่ำคอย....ซุมเจ้า
    วอนให้กลับคืนบ้าน อีสานเฮาจังสิหุ่ง...หล่าเอย
    คอยเจ้าหนุ่งสิ่นหมี่ฝ้าย สิป๋าอ้ายให้แต่คอย...บ่เด

    ๏ คันบ่มีหมู่เจ้า เสาอีสาน....มันสิเหงี่ยง ซั่นดอกเด้
    คันบ่มีหมู่เจ้า ไผสิค้ำ....ขื่ออีสาน เฮาน้อ.

    โดย สำเริง รูปสวย
    ขอบพระคุณสมาชิกและทีมงานที่เคารพรักทุกท่าน


  2. #2
    บ่าวสายฟ้า
    Guest

    Re: ๏ ไผเดน้อ...สิมาฮื้อ...อีสานเฮา...ให้เฮืองหุ่ง

    แจ่มท่านแจ่ม.....

  3. #3
    ขั้นสิคองคอยถ่าฝนมาดินผัดไหง่
    คองคอยตัดแต่ไม้บ่มีได้ยุเฮือนงาม...เด้
    วัฒนธรรมชาวเฮานี้
    คือสายไหมถ่าสืบต่อ
    หมู่เฮาบ่สืบสร้าง
    สิลาฮ้างห่างใย...ใด๋
    เชิญพ่อแม่พี่น้อง
    ชาวประชาอีสานฮ่วม
    เข้ามาร่วมสืบสร้าง
    บ่ให้ฮ้างสืบไป..........เด้อจ้า

  4. #4
    ศึกษาหาความรู้
    วันที่สมัคร
    Jan 2009
    กระทู้
    30
    ถ่าก่อนเด้อ เฮือนน้อย บ่อนเคยเนาว์ได้เซาอุ่น

    ถ่าก่อนเด้อถิ่นเคยคุ้น แต่เกิดได้เทิงใหญ่มา

    ถ่าก่อนเด้อพ่อ แม่ ปู่ ย่า ตา ยาย ลูกบ่เคยลืมไล ใจจ่องใส่อยู่สู่มื้อ

    อยากพอตายแล้วกลับบ้าน เมือซาน เฮือนเก่า ฮู่บ่น้อยามน้อยคึดฮอดหมู่เจ้า นั่งกินข่าวบ่ายน้ำตา

    เสียงแคนจ้นหม่นขี่ฝ่า ฮู่เด้อว่ายังสะออน จั่งแม่นตาออนซอน ลางมื้อนอนยังลำล่อง ฮ้องใส่นำเสียงแคน พู่นแล้ว

    เสียงเขียดโม้ ฮ้องแอ่ว โดนแล้วบ่ได้งิน แต่ยังจำผ้าซิ่นผืนน้อยที่แม่ทอ

    ลูกยกมือจ้อก้อ ยอเข้าใส่ดอกในหัว แม่เอ้ย สาธุเด้อ...คุณพระศรีรัตนตรัยซ่อยคุ้มภัยแม่ของลูก

    คอยวันเมือแม่ได้ผูกฝ่ายขาว ดอกไจใหม่ แทนอันเก่าผูกไว้ แต่มื้อลูกได้จากมา

    ถ่าจั๊กหน่อยเด้อ อีสานถิ่นสูงค่า สัญญาว่าซิกลับไป

    เพื่อสืบสานมูลมังไว้ บ่มีให้ได้เสื่อมสูญ ดอก.....

  5. #5
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    คอย คอย อ้าย จนสิ้นปลาย ดอกปีเก่า มาบอเห็นฮอดเงา

    สาวนางคองคอยอ้าย ไปไสแล้วซ่างบอมา สิ้นปลายปีแล้วนี่น่า

    ออก พรรษาก็เลยผ่าน บอเห็นซายอ้ายต่าวบ้าน อีสานนั่นให่ห่วงหา

    น่องมาหยืนคอยถ่า เหลียวหาจนคอเหงี่ยง หยืน เทิ้งเถียงจอบพ่อว้อ

    ไปไส น่อซ่างบอเห็น ลมเหย็นเหย็นหนาวแล้วน่า ข้าวก็เหลืองเต็มนา

    ยังคองถ่าอ้ายมาเกี่ยว สองคมเคียวเคยเกี่ยวข้าว ไปไสเจ้าให่ต่าวมาแนเหดอ?

  6. #6
    ซ่างมามิดแท้เจ้า ชาวผญาเคยจาต่อ
    คือบ่เห็นมาเลาะ เหยาะส่วงกันดั่งเดิม
    มาซ่วยเติมเสริมแต้ม มาซ่อยแจมความวาท
    จั่งนักปราชญ์เฮ็ดไว้ ให้เฮานั้นอ่านเห็น
    ความจำเป็นได๋เจ้า ซุมเฮาจั่งได้ห่าง
    บ่มาซ่อยสืบสร้าง ไลร้างออกห่างหนี
    ประเพณีฮีตเค้า ของเก่าผัดลืมหลง
    บ่ดนคงห่างหาย เหมิดลายสลายแท้
    มาถะแม้..มาซ่อยยู้ มาซ่อยซูอีกจักเทื่อ
    อย่าฟ้าวเบื่อเบือนหน้า ปานว่า..วิทยุเหมิดถ่าน..เถาะท่านเอย...




    ไว้หม่องนี้อีกเทื่อก่อนเด้อ ขอรับพี่น้อง
    แก้ไขครั้งสุดท้ายโดย พลายแก้ว; 12-10-2009 at 14:35.

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    บอไปไสดอกเด๊หล่าหลานบ่าวก๋า ป้าจอบอยู่
    ขอให้หลานได้รับรู้ บอลืมแท้จังแวะมา
    ถึงสิโดนแมนนานซ้าก็ย้อนว่าความจำเป็น
    ยังคิดเห็นอยู่บอเซาจังแวะหาดังจ๋าต้าน
    หยุ่งนำงานหลานคงฮู้ยังคิดอยู่ภายในใจ
    บอได้หนีไปทางได๋ แนวว่าใจอยู่ทางพิ่
    เว้าอีหลีบอแมนแกล้งขอชี้แจงแถลงกล่าว
    ยังคิดฮอดอยู่บอเซาเว้าอีหลีนี่แหล่ว
    หลานเอ้ยจังเอ่ยมา?

  8. #8
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24

    เรื่องฮิตน่าอ่าน

    เห็นนำอย่างคั่ก บางมื่อคึดฮอดแฮง
    พออยากกองก้นฮ้องใส่หม้อนึ่งพุ่นล่ะ
    v
    v
    v


    กระทู้ต้นฉบับโดยคุณ xeep

    .....
    อยากพอตายแล้วกลับบ้าน เมือซาน เฮือนเก่า ฮู่บ่น้อยามน้อยคึดฮอดหมู่เจ้า นั่งกินข่าวบ่ายน้ำตา

    เสียงแคนจ้นหม่นขี่ฝ่า ฮู่เด้อว่ายังสะออน จั่งแม่นตาออนซอน ลางมื้อนอนยังลำล่อง ฮ้องใส่นำเสียงแคน พู่นแล้ว
    .....

  9. #9

    กระพริบตา

    อย่าสิไลลืมถิ่มมูลมังอิสานเก่า
    อย่าสิเผามอดเมี่ยนเสียถิ่มบ่มีเหลือ
    บาดว่าเทือมื้อหน้าสิพาเฮาให้เฮืองฮู่ง
    อิสานเฮาสิพุ่งไปหน้ากว่าแต่หลัง



    เด็กน้อยมัก ๆ ผญาบทนี้จ้า

  10. #10
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    คิดฮอดเด๋ คิดฮอดบ้าน ถิ่นอีสาน บ้านเคยอยู่
    หนีไกลหมู่ มาไกลบ้าน ไกลโม้ม พ่อแม่มา
    คิดฮอดนา เคยหลกกล้า ไฮ่นาดอก ผักแว่น
    คิดฮอดแฟน ยอดซู้ปานนี้ อยู่จังได๋ น้องมาไกล
    อยู่กรุงกว้าง ทางเมืองหลวง แล้วหล่ะพี่ ถ่าสิ้นปี
    สิโงโค้งคืนบ้าน ดอกแน่นอน ?

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •