กำลังแสดงผล 1 ถึง 5 จากทั้งหมด 5

หัวข้อ: "ด่วน" ช่อยกันอนุรักษ์ฮักษาภาษาถิ่น ไทยลาวอีสาน

  1. #1
    ไทเฮา
    Guest

    "ด่วน"ช่อยกันอนุรักษ์ฮักษาภาษาถิ่น ไทยลาวอีสาน

    แมนอีหลีบ่อ?

    คเจ้าว่า ตอนต้นๆเข้าวงการ นักฮ้อง ลูกทุ่ง หมอลำเฮาฮ้อง ลำเป็นภาษาถิ่นอีสานได่อย่าง ม่วนงาม แต่พอโดนไป พอดังพอรวยขึ้น ภาษาบ้านเฮาในเพลงในลำ ค่อยๆหายไป เหลือแต่ภาษาไทยภาคกลางในเพลง เรื่องแบบนี้เกิดขึ้นตลอด และกำลังเกิดขึ้น กับ นักฮ้องคนงามสาวอุบล ต่ายอรทัย, หนุ่มอุดร ไมค์ พิรมณย์พร เป็นต้น, รวมไปถึงวงโปงลางสะออน พู้นนำ

    ฮักแพง


  2. #2
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    กะคง ฮักแพง แล้วกะต้อง แบ่งปัน หั่นหล่ะค่ะ ใช้เทิงสองภาษาเพื่อคนฟังจะได้เข้าใจ เพราะคนฟังกะบ่แม่นมีแต่คนอีสาน คนไทยทั้วประเทศเผิ่นได้ฟังเข้าในนำ
    ตามความเห็นส่วนโตดอกหว้า อิอิ

  3. #3
    ความเห็นส่วนโตเด้อจ้า

    เผิ่นกะคงบ่ได้ตั้งใจดอกจ้า เพราะการไปอยู่กรุงเทพฯ บางครั้งกะต้องใช้ภาษากลางในการสื่อสาร ติดต่อการงาน เวลาเผิ่นร้องเพลงคนฟังกะหลายภาค ขั้นสิใช้ภาษาอีสานจนเบิดซุคำ เทป ซีดี กะคงสิขายบ่ได้
    เห็นอ้ายบ่าวไมค์ เลากะเว้าอีสานเด้ะหล่ะจ้า เวลาเว้ากับแฟนเพลง ต่ายเว้ากับหมู่กะภาษาอีสานล้วนๆเด้หล่ะจ้า ( ถ้าเป็นนำเพลงคงเป็นนำคนแต่งเพลงให้ฟังง่ายขึ้นนำจ้า โทษนักร้องบ่ได้ดอกจ้า )

  4. #4
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    858
    บล็อก
    1
    เพิ่นมีข้อบังคับยุข้อหนึ่งนำเดอจ้า อาจสิบ่อค่อยมีคนฮู้หลายปานได๋ คือการอัดเพลงลงแผ่นครั่งโบราณ จนเป็นซีดีกะตามซ่าง กฏกะคือต้องออกเสียงรเรือ ลลิงสิต้องชัดเจน(เฉพาะเพลงเดอจ้าบ่อแท่นหมอลำ) คันบ่อซั่นเซนเซอร์บ่อผ่าน เพลงสองแง่สองง่ามกะต้องออกเสียงชัดเจนคือกันจ้า ไปซอมเบิ่งเดอ เหตุผลข้อนี้กะเป็นเหตุให้เพลงอีสานเพี้ยน(เว่าลาวปนไทย) นักฮ้องบ้านเฮาทุกคนต้องฝึกหันลิ้นอย่างหนักกว่าสิผ่านได้แต่ละเพลง ถามบ่าวข้าวจี่เบิ่งดู๋

  5. #5
    เห็นนำอยู่ครับ...ภาษาท้องถิ่นเฮาเป็นภาษาที่มีเสน่ห์ ภูมิใจที่ได้เว่าครับ แต่ก้อคือ หญ้านาง ว่านั่นแหละครับมันก้อแล้วแต่โอกาส สำหรับผมก้อภูมิใจน้าหมู(พงษ์เทพ กระโดนชำนาญ)ครับ ในฐานะที่เป็นคนโคราช เห็นแกออกสื่อทีไรแกก้อพูดแต่ภาษาโคราชตลอด

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •