หน้าที่ 1 จากทั้งหมด 6 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 55

หัวข้อ: มักเจ้าผู้เดียว

  1. #1
    นัยกระจอก
    Guest

    มักเจ้าผู้เดียว

    ใจประสงค์เจ้า ใจเดียวเด็ดเดี่ยว
    ไผสิมาเกี่ยวข้อง ตัวข่อยกะบ่เหลียว
    คึดต่อคนเดียวเจ้า เป็นคู่แสนชาติ
    คาดสิตายย้อนเจ้า คำเว้า..รักเธอคนเดียว อิ
    อิ
    ::)


  2. #2
    ดูแลตรวจสอบเนื้อหา สัญลักษณ์ของ โป้ยก่าย
    วันที่สมัคร
    Jun 2007
    กระทู้
    1,619
    หล้านางเอ้ย...
    อ้ายเป็นคนต่ำต้อยอับโชคชินชะตาวาสนาคนจนบ่อาจเทียมคนรวยแบ้ง
    มีแต่แฮงใจสู้ดุดันฟันฟ่าในอุราหลงฮักเจ้าบ่มีมื้อสิซ่วงหาย
    แสนเสียดายเด้น้องหล้าเผยวาจาว่าคิดฮอดหยอดแต่คำฮักมั่นรำพันโอ้อ่าวหา
    น้องอยู่สูงเทียมฟ้าอ้ายเป็นกาได้หลิงล่ำเป็นนำกรรมก่อไว้บ่หมายมุ่งฮ่วมสอง
    ขอฮักเพียงเป็นน้องอ้ายพี่กะดีใจโดนปานใด๋กะยังฮักบ่อาจลืมลงได้
    มีสุขใจยามเห็นหน้าได้ฟังเสียงแต่วาจาใจอ้ายกะอบอุ่น
    บุญอ้ายหลายจั้งพบพ้อนางหล้าอย่าหน่ายแหนง หล้าเอ้ย...นางเอ้ย

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ฮักจั่งมาวนเกี้ยวพันเกลียวกุมกอด
    พอได้หยอดหยั่งกล้าผญาต้อยต่อตาม
    คันแม่นฮักหากห่ามหวงฮอดมะโนจิต
    เฮียมขอเอาไปคิดค่ำคืนคะนิงคล้อย
    พอเป็นปอยผมซ้องซอนแซมแถมไถ่
    มักเถิงบ่อคาดได้กะตามถ่อนสิทอดทาน
    เพียงขอบอกกล่าวต้านเขยอ่านนำองค์อวน
    บ่อหมายกวนหทัยจิตคิดเคืองคำแค้น
    แสนสิมีสิบซู้ซูซมซ้อนบ่อน ยังคึดเห็นอ้อนต้อนนำเจ้าผู้เดียว แลนา

  4. #4
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    เป็นหนึ่งเดียวในใจอ้าย...............บ่อาจหมายกายเป็นอื่น
    ได้พ้อหมื่นผู้สาวแส้...................บ่แวเลี้ยวไปเบิ่งไผ
    ในหัวใจมีเพียงเจ้า....................ฮักเป็นเงาบ่เหินห่าง
    ใจมีเจ้าบ่จีดจาง.......................แม่นสิวางอ้ายไว้ อยู่ไกลข้างกะซ่างเธอ
    ขอหลงฮักหลงเพ้อ..................หลงฮักเธออยู่คือเก่า
    มีมื้อได๋เหงา ๆ........................เฝ้าได้คิดเห็นหน้า กะมีค่าต่อพี่ชาย
    ย่านแม่นตายพุ้นเด้อหล่า...........จั่งสิได้ลืมลา จั่งสิป๋าใจตั้งต่อ
    สิเปลี่ยนปีกี่พอศอ...................กะยังขอฮักเจ้า คือคำเว้าว่ารักเดียว น้องหล่าเอ๊ย

  5. #5
    แบ่งปันความรู้และประสบการณ์ สัญลักษณ์ของ นวรัตน์
    วันที่สมัคร
    Feb 2008
    กระทู้
    785

    ฮักเดียว

    เป็นหยังน้อพูลังคนคือจังอยากมีมูหลายกว่าพูบ่าว เป็นพูบ่าวนำเป็นมูนำบ่ได้บ้อฮักเดียว

  6. #6
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5
    ป้าด...กระทู้นี้มีแต่พ่อเซียนผญา ต่ายคงบ่หาญกล้าต่อคำให้เพิ้นสูญ
    ได้แต่นั่งเอาคิงซุน รอถ่าฟังแต่คำพี่ มักอีหลีคำผญา..วาจาม่วนชวนสะท้าน..แท้น้ออ้าย..

    ...แค่ชื่อกระทู้กะเกี่ยวใจไว้คักหลาย...อิอิ8)8)

  7. #7

    ดูวีดีโอ YouTube ออนไลน์

    ชอบแม๋ ผญา นี่ชอบอ่านม่วนหลายโอ้ยยยยหัวดอกล่ะ อ้ายนัย อ โตสุดท้ายคือเป็นสีดำย้านฟ้าผ่าติ เว้าบ่จริงนั่น ::)

  8. #8
    นัยกระจอก
    Guest

    นัย..กระจอก

    บ่ย้านดอกออมใหม่ๆก็ยังงี้ทุกราย และ::)::)

  9. #9
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,243
    มีแต่ผู่เว้าเก่งๆ จักเผิ่นหามาแต่ได๋ดอก....

  10. #10
    Moderators สัญลักษณ์ของ ต่าย
    วันที่สมัคร
    Nov 2007
    ที่อยู่
    เชียงใหม่
    กระทู้
    1,244
    บล็อก
    5
    ฟ้าว...มาจ่ายผญาต่อแน่เด้ออ้ายๆ.....ต่ายบ่ไปไสแล้วเด้นี่...สิรออ่านแต่กระทู้นี่ละ..
    อ่านแต่ ชื่อกระทู้กะม่วนหู..จนหาทางออกบ่ได้แล้ว..มาเด้อผู้สาวบ้านมหา..มาฟังนำกันเด้อ....

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •