มักเจ้าผู้เดียว

[นัยกระจอก]

ใจประสงค์เจ้า ใจเดียวเด็ดเดี่ยว
ไผสิมาเกี่ยวข้อง ตัวข่อยกะบ่เหลียว
คึดต่อคนเดียวเจ้า เป็นคู่แสนชาติ
คาดสิตายย้อนเจ้า คำเว้า..รักเธอคนเดียว อิอิ ::)

[โป้ยก่าย]

หล้านางเอ้ย...
อ้ายเป็นคนต่ำต้อยอับโชคชินชะตาวาสนาคนจนบ่อาจเทียมคนรวยแบ้ง
มีแต่แฮงใจสู้ดุดันฟันฟ่าในอุราหลงฮักเจ้าบ่มีมื้อสิซ่วงหาย
แสนเสียดายเด้น้องหล้าเผยวาจาว่าคิดฮอดหยอดแต่คำฮักมั่นรำพันโอ้อ่าวหา
น้องอยู่สูงเทียมฟ้าอ้ายเป็นกาได้หลิงล่ำเป็นนำกรรมก่อไว้บ่หมายมุ่งฮ่วมสอง
ขอฮักเพียงเป็นน้องอ้ายพี่กะดีใจโดนปานใด๋กะยังฮักบ่อาจลืมลงได้
มีสุขใจยามเห็นหน้าได้ฟังเสียงแต่วาจาใจอ้ายกะอบอุ่น
บุญอ้ายหลายจั้งพบพ้อนางหล้าอย่าหน่ายแหนง หล้าเอ้ย...นางเอ้ย

[ศรีสะท้าน]

ฮักจั่งมาวนเกี้ยวพันเกลียวกุมกอด
พอได้หยอดหยั่งกล้าผญาต้อยต่อตาม
คันแม่นฮักหากห่ามหวงฮอดมะโนจิต
เฮียมขอเอาไปคิดค่ำคืนคะนิงคล้อย
พอเป็นปอยผมซ้องซอนแซมแถมไถ่
มักเถิงบ่อคาดได้กะตามถ่อนสิทอดทาน
เพียงขอบอกกล่าวต้านเขยอ่านนำองค์อวน
บ่อหมายกวนหทัยจิตคิดเคืองคำแค้น
แสนสิมีสิบซู้ซูซมซ้อนบ่อน ยังคึดเห็นอ้อนต้อนนำเจ้าผู้เดียว แลนา

[บ่าวโจ่โล่]

เป็นหนึ่งเดียวในใจอ้าย...............บ่อาจหมายกายเป็นอื่น
ได้พ้อหมื่นผู้สาวแส้...................บ่แวเลี้ยวไปเบิ่งไผ
ในหัวใจมีเพียงเจ้า....................ฮักเป็นเงาบ่เหินห่าง
ใจมีเจ้าบ่จีดจาง.......................แม่นสิวางอ้ายไว้ อยู่ไกลข้างกะซ่างเธอ
ขอหลงฮักหลงเพ้อ..................หลงฮักเธออยู่คือเก่า
มีมื้อได๋เหงา ๆ........................เฝ้าได้คิดเห็นหน้า กะมีค่าต่อพี่ชาย
ย่านแม่นตายพุ้นเด้อหล่า...........จั่งสิได้ลืมลา จั่งสิป๋าใจตั้งต่อ
สิเปลี่ยนปีกี่พอศอ...................กะยังขอฮักเจ้า คือคำเว้าว่ารักเดียว น้องหล่าเอ๊ย

[นวรัตน์]

เป็นหยังน้อพูลังคนคือจังอยากมีมูหลายกว่าพูบ่าว เป็นพูบ่าวนำเป็นมูนำบ่ได้บ้อ

[ต่าย]

ป้าด...กระทู้นี้มีแต่พ่อเซียนผญา ต่ายคงบ่หาญกล้าต่อคำให้เพิ้นสูญ
ได้แต่นั่งเอาคิงซุน รอถ่าฟังแต่คำพี่ มักอีหลีคำผญา..วาจาม่วนชวนสะท้าน..แท้น้ออ้าย..

...แค่ชื่อกระทู้กะเกี่ยวใจไว้คักหลาย...อิอิ8)8)

[สาวออมน้อย]

ชอบแม๋ ผญา นี่ชอบอ่านม่วนหลายโอ้ยยยยหัวดอกล่ะ อ้ายนัย อ โตสุดท้ายคือเป็นสีดำย้านฟ้าผ่าติ เว้าบ่จริงนั่น ::)

[นัยกระจอก]

บ่ย้านดอกออมใหม่ๆก็ยังงี้ทุกราย และ::)::)

[Sweet_M]

มีแต่ผู่เว้าเก่งๆ จักเผิ่นหามาแต่ได๋ดอก....

[ต่าย]

ฟ้าว...มาจ่ายผญาต่อแน่เด้ออ้ายๆ.....ต่ายบ่ไปไสแล้วเด้นี่...สิรออ่านแต่กระทู้นี่ละ..
อ่านแต่ ชื่อกระทู้กะม่วนหู..จนหาทางออกบ่ได้แล้ว..มาเด้อผู้สาวบ้านมหา..มาฟังนำกันเด้อ....