หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 12

หัวข้อ: ................เก็บแฮงไว้เติมฝัน.................

  1. #1
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    ................เก็บแฮงไว้เติมฝัน.................


    ลมสะบัดพัดยอดพร้าว สีแสงดาวกะสาดส่อง................อ้ายนั่งมองเบิ่งยอดไม้ คือไหวต้องป้องไส่กัน

    แสงตะวันกะหลบหน้า ฝากเวหาฟ้ามืดมิด....................เห็นดาวติดนำ แผ่นฟ้า ส่องแสงจ้าระยับยล

    ทางถนนคนมิดจ้อย นำซอกซอยคนกะห่าง..................เหลียวไปไสกะเวิ้งว้าง หนทางมืดค่อยมิดแสง

    เหมิดยามแลงกะมืดค่ำ งานประจำได้หยุดพัก.................สิ่งได๋หนักหรือเหมื่อยหล้า ขอฝันฝ่ามื้อต่อไป

    หยุดเติมใจยามออ่นล้า คือเวลามาพักผ่อน...................เทื่อว่าหัวถึงหมอน หลับตานอนจนว่าเซ้า เฮาค่อยสู้มื้อต่อไป


  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    หนทางฮกเทียวถากถาง พอได่ย่างยามแปนราบ
    บัดยามฮุงเฮืองหาก สิได่ง่ายยามไกลใกล้..น้ออ้าย
    อยู่ทางได๋กะใสแจ้งย่อนเหงื่อแฮงเฮาเฮ็ดสร้าง
    ยามเปิดหน่ายได่พักบ้าง พอมีแฮงกะผ่องใส
    ทางที่ถากถางไว่ คือควมภูมิใจของโตเอง..เด้ออ้าย

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    สิเก็บเอาความล้ามาเป็นหนทางไต่
    เก็บความทุกข์ยากไฮ้มาเป็นไต้ตื่มกะบอง
    เก็บความขัดข้องหมองหมางฮ้างหน่าย
    มาเป็นผ้าขี้ฮ้ายถูหม่องบ่อนด่างดำ
    เก็บเอาความปวดซ้ำตำทั่งทางใน
    เก็บมาเป็นกำลังใจต่อเติมเสริมท้าย
    แทนแฮงกายและใจสู้บู๋ทางให้ม้างส่วง
    เก็บเอาสิ่งทั้งปวง มาเป็นยาหยอดต้อยใจข้อยสู่ฝัน


    ปล. โอ๊ยย จั่งแม่นตั้งชื่อกระทู้ให้ข้อยไปนำยาก อาวกะดาย ซั่วสิแล้วเหมิดไปเป็นกั๊ก อิ อิ อิ

  4. #4
    น้ำตาล
    Guest
    เอื้อยมิค/ใหย่ศรี/อ้ายบ่าวโจ่โล่....สุดยอดเลยค๊า...อั่นหล่าไปบ่เป็นได้แต่นั่งงึดจ้า:g:g:g

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    เห็นความมาจาต้านตาลหอมหวลหมาก
    อยากเอามาไว้ใกล้ในข้างบ่อนครัว
    คือสินัวหวานจ้อยคำออยเพิ่นอ้อยอิ่น
    บ่อได้กินขอแต่เพียงแนบข้างบ่อขอฮ้างห่างมะโน


    ขอมาใส่แกงเขียวหวานแหน่หล่า น้ำตาลแมะ อิ อิ

  6. #6
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961
    ดึงตะเว็น เข็นแผ่นฟ้า ยกจันทราเอาแสงส่อง..............โปรยดาวกองกลื่นฟ้ า ให้ฮุ่งจ้าระยับแสง
    ขอเอาแฮงวายุฮ้าย โบก ระบายสายลมผ่าน................พัดหยดน้ำจากสายธาร หว่านเป็นหมอกเกลื่อนแผ่นหล้า พรมต้นหญ้าทั่วแผ่นดิน
    ฮ้องโผผิน บินโบยโบก คือหมู่นกสกุนา......................ชวนกันกลับสู่เคหา ฮ้องสั่งปลา ธารา น้ำ
    มาลางาม ตามคันห้วย ออกดอกสวย ดูสง่า.................หลบภมรซ่อนสายตา นำพฤษาแมกไม้ วายุไล้กลิ่นระเหย
    กลิ่นรำเพยดอกคัดเค้า เห็นเป็นเงาต้นสะมั่ง.................ราตรีมิดค่อยปิดบัง แสงที่ยังส่องใต้ ไฟหิ่งห้อยปล่อยตะเกียง
    มีแต่เสียงจิโป่มน้อย คอยบรรเลงเพลงกล่อมป่า............เสียงนกฮูกกูกแว่วมา บอกเวลาว่าค่ำค้อย เดือนดาวน้อย ค่อยส่องแสง
    เหลือใจแฮงคันเป็นได้ คือหัวใจอ้ายฝันว่า...................อยากหยิบเอาดวงดารา อยากนำพาดาวใหญ่น้อย มาคอยป้อนเข้าไส่มือ...น้องหล่าเอ๊ย



    เอาของเก่า มาเล่าให้อ่านใหม่ดอกผมกะดาย ฮ่า ๆ ๆ

  7. #7
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    กลอนก่ายเกี้ยวกุมกอดคำผญา
    เป็นไปตามจินตนาหนึ่งในใจอ้าย
    บ่อแม่นหมายมาส่อสับสนวนบังเบียด
    อย่าได้เคียดคั่งแค้นแคลนคล้อยให้ค่อยจา
    เฮียมบ่ออาจกล่าวท้าหักไม้ข่มเต็งไผ
    เพียงอยากไขคำควรพอม่วนหูดูบ้าง
    เอาแต่บุญผลาสร้างพอเป็นทางได้เทียวไต่
    เป็นแฮงใจสืบตั้งบาดยามท้อได้ต่อเติม

  8. #8
    ฝ่ายเทคนิคและโปรแกรม สัญลักษณ์ของ บ่าวโจ่โล่
    วันที่สมัคร
    Dec 2006
    กระทู้
    1,961

    คำบรรยายหยาดเยิ้มเคลิ้มนำคำเว้าไส่
    จาความขัยแต่งแต้มตำต้องก้องไส่ใจ
    วาจาไขคือขัดข้องขึงขังคำเคร่งเครียด
    ไผมาเบียดเบ่งบ้อหรือขอถ้าว่าพ่อลุง
    เฮาปรับปรุงแปงบั้นสร้างสรรค์พอเว้าหม่วน
    ไผมากวนก่อแกล้งแฉลงเว้าเข้าไส่น้อ
    ซ่อยกันยอยกย้องปรองดองให้คนซ่า
    บ้านมหาผญาหย่อยซ่อยกันสร้างบ้างชื่นชม เนาะลุงเนาะ



  9. #9
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    เก็บความอุกอั่งเอ้ามาเป็นเสาค้ำก่าย
    ความเบื่อหน่ายเมื่อยล้าเป็นฝาแอ้มโอบใจ
    เก็บความในที่หมองเศร่าตางฟืนเผายามหนาวผ่าง
    เก็บเอาความอ้างว้างตางหญ้ามาบมุง
    เก็บเอาความมาดมุ่งไว้คิดอ่านสานฝัน
    เอามาเป็นแกวพันฝั่นเฝือเฟือเกี้ยว
    พอเป็นเกลียวเหนียวไว้สายใยบ่อให้แล่ง
    เก็บเอาแฮงที่แต่งฝั่นสานฝันแต้มต่อเติม

  10. #10
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918
    เก็บความเมื่อยล๊า... เมียบ้านเฮา...อาบน้ำเย็น เย็น... กิ๋นเข่า... พักผ่อนคือการนอนหลับ...

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •