หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: ต้มยำปลากระพง

  1. #1
    ผู้ช่วยผู้ใหญ่บ้านมหา สัญลักษณ์ของ ฅนภูไท
    วันที่สมัคร
    Apr 2007
    กระทู้
    2,458
    บล็อก
    1

    ความเยือกเย็น ต้มยำปลากระพง


    ต้มยำปลากระพง

    มื้อนี้ฅนภูไท สิเฮ็ดต้มยำปลากระพงสู่กินเด้อครับ สูตรนี้เป็นสูตรของฅนภูไทเองรับประกันความแซ๊บ มาเบิ่งวิธีการเฮ็ดกันเลยครับ

    ต้มยำปลากระพง

    เครื่องปรุงกะมี ปลากระพง ข่า ตะไคร้ ใบมะกรูด พริกชี้ฟ้า พริกขี้หนูสวน ผักชีผรั่ง ใบกระเพรา บักเขือเทศ บักนาว มะขามเปียกแล้วกะเห็ดฟาง

    ต้มยำปลากระพง

    ทีนี้กะมาเริ่มเฮ็ดกันเลย ก่อนอื่นกะเอา ปลากระพงไปแช่น้ำเกลือจักสามสิบนาทีแล้วกะล้างออกเพื่อดับกลิ่นคาว เสร็จแล้วเอาน้ำซุปใส่หม้อขึ้นตั้งไฟให้เดือดพอน้ำเดือดแล้วใส่ข่า ตะไคร้ใบบักกรูด พริกชี้ฟ้าลงไป แก้วกะใส่ส่วนที่เป็นกระดูกลงไปก่อน ปิดฝาไว้จักห้านาทีแล้วจั่งใส่เนื้อปลาลงไป

    ต้มยำปลากระพง

    ใส่เห็ดฟาง ผักชีฝรั่ง พริกขี้หนูสวนทุบ บักขามเปียกลงไป(บักขามเปียกใส่นิดหน่อย)

    ต้มยำปลากระพง

    ใส่บักเขือเทศ แล้วกะใส่ใบกระเพราลงไป ยกหม้อลง แล้วใส่น้ำบักนาวลงไปปรุงรสตามใจชอบ

    ต้มยำปลากระพง

    ตักใส่ถ้วยหรือหม้อไฟเสริฟกำลังฮ้อนๆ กินกับข้าวสวย หรือสิกินเป็นกับแกล้มกะสุดยอด
    8)

    ต้มยำปลากระพง

    เคล็ดลับ เวลาใส่ปลาลงไป อย่าคนเด้อมันสิคาว แล้วกะอย่าให้ปลาสุกจนเกินไปเนื้อปลาสิเละครับ

  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    เจ๊ชอบอาหารประเภทปลาอย่างมาก เช่น ปลาร้า ปลาจ่อม ที่สำคัญปลาแคน(กระป๋อง) ::)

    ยอมรับบ่าวป๋องเป็นแม่ศรีเรื่อนที่ดีมาก ใครได้เป็นสะใภ้ อุ๊บ เขย บ่ผิดหวัง

  3. #3
    เว้ามาอยากกินข้าวอีกแท้ฮึ...เป็นตาแซ๊บเน๊าะ
    ให้เด็กน้อยกินนำแนะเด้ออ้ายปอบจ๋า...
    สิเลือกกินแต่ต่อนปลาดอกน้ำให้อ้ายซดซะ...55555
    8)

  4. #4
    ผู้ช่วยผู้ใหญ่บ้านมหา สัญลักษณ์ของ lukhin_inter
    วันที่สมัคร
    Sep 2007
    ที่อยู่
    อิสานใต้ ประเทศไทย
    กระทู้
    2,090

    เรื่องฮิตน่าอ่าน เห็นด้วย ๆๆๆๆ ค๊า

    เห็นด้วย ๆๆๆๆ ค๊า กระทู้ต้นฉบับโดยคุณ pui.lab เห็นด้วย ๆๆๆๆ ค๊า
    เจ๊ชอบอาหารประเภทปลาอย่างมาก เช่น ปลาร้า ปลาจ่อม ที่สำคัญปลาแคน(กระป๋อง) ::)

    ยอมรับบ่าวป๋องเป็นแม่ศรีเรื่อนที่ดีมาก ใครได้เป็นสะใภ้ อุ๊บ เขย บ่ผิดหวัง เห็นด้วย ๆๆๆๆ ค๊า
    เห็นด้วย ๆๆๆๆ ค๊า...ลูกหินเห็นด้วย ๆ ๆ ผุใด่ได้อ้ายภู...ไปเป็นสะไภ้..หรือได๋หน๊อนี่...คือสิ บ่ผิดหวังอีหลี..ป๊าด..กุ๊ก ชัด ชัด เด้นี่ ...

  5. #5
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    ขอจักถ้วยแหน่บ่าว...พอได้กับแกล้ม ตอนนี่มีแต่รีเจนซีซั่นดอก...ซดน้ำฮ้อนๆเบิ่งเด้เน๊าะ...

  6. #6
    pairoj
    Guest
    น่ากินขนาด..น้อ.....

  7. #7
    Membership renewed สัญลักษณ์ของ Sweet_M
    วันที่สมัคร
    Oct 2007
    ที่อยู่
    USA
    กระทู้
    1,243
    ป้าดดด อาหารแต่ละอย่างที่อ้ายภูเฮ็ดเป็ดตาแซ่บทั้งนั้น ....ขอแน่อ้ายจักถ้วย....

  8. #8
    ดูแลตรวจสอบเนื้อหา สัญลักษณ์ของ สาวส่าเมืองอุดร
    วันที่สมัคร
    Dec 2007
    ที่อยู่
    Hattiesburg, MS , USA
    กระทู้
    1,287

    เรื่องฮิตน่าอ่าน

    ขอจักถ้วยแน่อ้าย...เป็นตาแสบแท้ จอยหัวกะฮู้เด้อว่าบ้านพ่อมหากะมีพ่อครัว..คนเก่งคือกัน สุดยอดจ้าอ้าย8)

  9. #9
    นัยกระจอก
    Guest

    นัย..กระจอก

    ป้าดดดดดดดดดดเป็นตาแซบเนาะ จักโปกแน่ อิอิ:g

  10. #10
    แบ่งปันความรู้และประสบการณ์ สัญลักษณ์ของ นวรัตน์
    วันที่สมัคร
    Feb 2008
    กระทู้
    785
    ขอไปตักข้าวสวยร้อนซักจานก่อนเด้อ สิเอามากินกับต้มปลา เป็นตาแซ่บหลาย8)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •