กำลังแสดงผล 1 ถึง 5 จากทั้งหมด 5

หัวข้อ: แม่ใหญ่สีไปฟังเทศน์

  1. #1
    บ่าวเมฆินทร์
    Guest

    ดูวีดีโอ YouTube ออนไลน์ แม่ใหญ่สีไปฟังเทศน์

    ยามเดือน 4 ทางอีสานบ้านเฮากะสิพากันเอาบุญเผวสกัน แล้วกะสิฟังเทศน์มหาชาติกัน
    พอดีมื่อนี่กะเป็นบุญเผวส แล้วกะเป็นมื่อฟังเทศน์พอดี แม่ใหญสีเลากะจัดการอาบน้ำแต่งโตตั้งแต่เซ่า หิ่วกะต่าหมากได้กะย่างเข้าวัดเพื่อสิไปฟังเทศน์ ปรากฏว่ามื่อนั่นคนกะมาฟังเทศน์กันจนแน่นศาลาหาทางสิย่างออกไปทางนอกกะบ่มี แล้วพระเพิ่นกะเทศน์ม่วนขนาดจนบ่มีไผลุกไปไสเลย
    ฝ่ายทางแม่ใหญ่สีพอพระเทศน์ไปได้จักคราวเลากะเอาหมากออกมาเคี้ยว จักคราวเลากะจกกะต่าหมากหากระป่องถ่มน้ำหมากกะบ่มี หาถุงพลาสติกกะบ่มี เลาเลยตัดสินใจกอบมือแน่น ๆ แล้วกะถ่มน้ำหมากใส่ฝ่ามือเจ้าของ พอแต่น้ำหมากเต็มกอบมือแล้วกะคึดว่าสิเอาออกไปถิ่มทางนอก ปรากฏว่าคนแน่นออกไปบ่ได้ เทิงเลากะย่านน้ำหมากเหี่ยใส่หมู่นำ เลากะเลยหูบเอาน้ำหมากในมือจนหมด แล้วกะเซ็ดปาก เซ็ดมือ เทิงจ่มอยู่ผู้เดียวเลาว่า

    “นี่! ปะสาหม่องถ่มน้ำหมากมันสิยากอีหยัง”

    แล้วกะนั่งฟังเทศน์ต่อไป


  2. #2
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,963
    อ้วก.ก..ก...ก....ก....โอ้ย.....เห็นภาพเลยข่อย..

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ไคอยู่เนาะ บ่ถืกตอนพระเณรเพิ่นเทศน์จบกัณฑ์ ย้านเลาหลงหว่านน้ำหมากสาธุการแทนข้าวสารหน่ะแหม ผู้ทางหน้าคือสิเสื้อผ้าแดงจื่งคื่งซั้นดอกหวา อิ อิ

  4. #4
    ดีแม่ใหญ่มันจังสิบ่เปลือง

  5. #5
    แบ่งปันความรู้และประสบการณ์ สัญลักษณ์ของ บักเซียงเหมี่ยง
    วันที่สมัคร
    Feb 2008
    ที่อยู่
    ยโสธร
    กระทู้
    227
    คึดได้จังได๋::)

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •